Maxfiylik siyosati
Bu sahifa SportX (sportxuz.com) va SportX Android ilovasi qanday ma’lumotlarni yig‘ishi, nima uchun ishlatishi va kimga berishini qisqacha tushuntiradi.
1. Kim ma’lumotlarni qayta ishlaydi
Ma’lumotlarni SportX (sportxuz.com) qayta ishlaydi. Savol va so‘rovlar uchun: Telegram @sportixuzbot.
2. Qanday ma’lumot yig‘amiz
- Telegram orqali kirganingizda (Telegram sizdan ruxsat so‘raydi): Telegram ID raqamingiz, ismingiz va profil suratingiz (surat serverimizga nusxalanadi va avatar bo‘ladi), bot sizga xabar yubora olishi haqidagi belgi. Telefon raqamingiz va e-pochtangiz so‘ralmaydi.
- Sessiya: kirish belgisi, brauzer turi, IP manzil, kirish va oxirgi faollik vaqti — hisobingizni himoyalash va «faol qurilmalar» ro‘yxati uchun.
- Siz kiritgan narsalar: til va bildirishnoma sozlamalari, sevimli jamoa va ligalar, eslatmalar, profil surati, chat xabarlari, izohlar, «yoqdi» va ovozlar, shikoyatlar; moderatsiya ma’lumotlari (yashirilgan xabarlar, ogohlantirishlar, cheklovlar).
- Hisobsiz foydalanishda: tasodifiy qurilma belgisi (cookie) va IP manzilning xeshi — bepul efir muddatini hisoblash va bitta qurilmadan cheksiz ovoz berilmasligi uchun.
- Bildirishnomalar: ruxsat bersangiz, brauzer yoki ilova bildirishnoma manzili.
- Qidiruv so‘rovlari — hisobingizga bog‘lanmasdan, qidiruvni yaxshilash uchun.
- Analitika: Google Analytics orqali sahifa ko‘rishlari, qurilma va brauzer turi, taxminiy joylashuv (umumlashtirilgan statistika).
- Server jurnallari: IP manzil, so‘ralgan sahifa, vaqt va brauzer turi — xavfsizlik va nosozliklarni topish uchun.
3. Nima uchun ishlatamiz
- hisobga kirish va uni himoyalash;
- efirni ko‘rsatish, bepul muddat va Telegram kanal obunasini tekshirish;
- chat, izohlar va ovoz berish ishlashi, ularni spam va haqoratdan himoyalash;
- siz yoqqan eslatma va bildirishnomalarni (saytda, ilovada va Telegram’da) yuborish;
- sayt barqarorligi, xavfsizligi va umumlashtirilgan statistikasini kuzatish;
- qonun talablarini bajarish.
Ma’lumotlaringizni sotmaymiz va reklama profillari tuzmaymiz.
4. Kimga beriladi
- Telegram — kirish, kanal a’zoligini tekshirish va bot xabarlari uchun.
- Google — sayt statistikasi (Google Analytics) va chat xabarlari hamda izohlar matnini avtomatik moderatsiya qilish (Gemini) uchun.
- KLIPY — chatdagi GIF qidiruvi bizning serverimiz orqali yuboriladi; GIF rasmlari KLIPY serverlaridan yuklanadi.
- Hosting va CDN provayderlari (jumladan Cloudflare) — sayt va efirni yetkazish uchun; ular IP manzilingizni ko‘radi. Ayrimlari O‘zbekistondan tashqarida.
- P2P efir rejimida efir qismlari tomoshabinlar o‘rtasida to‘g‘ridan-to‘g‘ri almashinadi — bunda IP manzilingiz shu efirni ko‘rayotgan boshqa tomoshabinlarga ko‘rinishi mumkin.
- Ommaga: chat va izohlarda ismingiz, avataringiz va yozganlaringiz boshqa foydalanuvchilarga ko‘rinadi.
- Davlat organlari — faqat qonunda belgilangan hollarda.
Hamkor bukmekerlarga ma’lumotlaringiz berilmaydi. Hamkor havolasini bossangiz, o‘sha sayt o‘z siyosati bo‘yicha ma’lumot yig‘adi.
5. Cookie va brauzer xotirasi
| sx_session | Kirganingizni eslab qolish (skriptlarga ko‘rinmaydi) | 30 kun, faol bo‘lsangiz uzayadi |
| sx_s_fresh | Sessiyani kuniga bir marta yangilash belgisi | 1 kun |
| sx_device | Qurilma belgisi: bepul efir muddati, mehmon ovozi | 1 yil |
| sx_qr, sx_oidc | Kirish jarayoni (QR, Telegram) | bir necha daqiqa |
| sx_edge, sx_noedge | Eng yaqin serverni tanlash | 1 kungacha |
| _ga, _ga_* | Google Analytics statistikasi | Google belgilaydi (2 yilgacha) |
Brauzer xotirasida (localStorage) faqat qulaylik sozlamalari saqlanadi (video sifati, pleyer va chat sozlamalari) — ular serverga yuborilmaydi. Cookie’larni o‘chirsangiz, hisobdan chiqasiz.
6. Qancha saqlanadi
- Sessiyalar — oxirgi faollikdan 30 kun; hisobdan chiqsangiz darhol o‘chadi.
- Saytdagi bildirishnomalar va Telegram eslatmalari — 30 kun.
- Hisob, sevimlilar, xabarlar, izohlar va ovozlar — hisob mavjud ekan yoki o‘chirish so‘ralguncha.
- Server jurnallari — cheklangan hajmda, eskilari avtomatik o‘chiriladi.
7. Xavfsizlik
Ulanish HTTPS orqali; sessiya belgisi skriptlarga ko‘rinmaydigan cookie’da; qurilma va IP belgilari bazaga xeshlangan holda yoziladi; xodimlar ma’lumotlarga faqat ish zarurati bilan kiradi va amallari jurnalga yoziladi. Shunga qaramay, internet orqali uzatishda 100% xavfsizlik kafolati yo‘q.
8. Sizning huquqlaringiz
Qaysi ma’lumotlaringiz saqlanayotganini bilish, ularni tuzatish yoki hisob va ma’lumotlarni o‘chirishni so‘rashingiz mumkin. Ayrimlarini o‘zingiz qila olasiz: profil suratini olib tashlash, bildirishnomalarni o‘chirish, faol sessiyalarni yopish, botga /stop yozish, o‘z xabaringizni o‘chirish.
Hisobni to‘liq o‘chirish uchun Telegram @sportixuzbot ga Telegram ID yoki profil havolangiz bilan yozing — so‘rov 30 kun ichida bajariladi.
9. Bolalar
Koeffitsientlar va hamkor havolalari faqat 18 yoshdan kattalar uchun. Bola ma’lumotlari bizda borligini bilsangiz, bizga yozing — o‘chiramiz.
10. O‘zgarishlar
Siyosat o‘zgarsa, yangi sana bilan shu sahifada e’lon qilinadi.
