Yakshanba kuni Myunxenning «Bavariya» klubi Bundesliga doirasida debyutant «Elversberg» jamoasi mehmoni bo'ladi. Uchrashuv URSAPHARM-Arena o'yingohida bo'lib o'tadi va unda Vinsent Kompani shogirdlari ichki chempionatdagi kutilmagan durangdan so'ng o'z holatlarini o'nglab olishga harakat qilishadi. Yakshanba kungi o'yin myunxenliklarning ushbu raqibga qarshi ilk rasmiy to'qnashuvi hisoblanadi.
Yuqori ligadagi o'zining ilk mavsumini o'tkazayotgan «Elversberg» kutilmaganda yorqin natijalar qayd etmoqda. Vinsent Vagner boshqarayotgan klub dastlabki turda «Bayer Leverkuzen»ni 3:2 hisobida taslim etgan bo'lsa, 5 sentabr kuni Myonxengladbaxning «Borussiya»sini 4:3 hisobida mag'lub etdi. Hozirda jamoa olti ochko bilan jadvalda to'rtinchi o'rinni band etib turibdi. Shuningdek, ular joriy mavsumda yettita gol bilan Bundesliganing eng ko'p to'p kiritgan jamoasi bo'lib turishibdi.
«Bavariya» esa 5 sentabr kuni «Shalke» bilan nursiz durang (0:0) qayd etdi va to'rt ochko bilan jadvalning oltinchi pog'onasiga tushib ketdi. Bu Vinsent Kompani boshqaruvidagi so'nggi 60 ta rasmiy o'yinda shogirdlarining raqib darvozasiga yo'l topa olmagan birinchi holati bo'ldi. Shunga qaramay, myunxenliklar payshanba kungi Chempionlar ligasi bahsida «Budyo-Glimt» ustidan 5:0 hisobida yirik g'alabaga erishishdi. Ushbu o'yinda Harri Keyn o'z hisobiga gol yozdirib qo'ydi.
Tarkiblar borasida mezbonlarda himoyachi Luis Zayfert va vinger Tom Zimmershid jarohat sabab o'yinni o'tkazib yuborishadi. «Bavariya»ning hujum chizig'ini esa Chempionlar ligasida qatorasiga sakkizinchi o'yinda gol urib, shunday natijaga erishgan tarixdagi to'rtinchi futbolchiga aylangan Harri Keyn boshqaradi. Unga qanotlarda Maykl Olise hamda Luis Dias yordam berishi ko'zda tutilgan. Shuningdek, yarim himoyada Joshua Kimmix, himoyada esa Nataniel Braun asosiy tarkibda maydonga tushishi taxmin qilinmoqda.
Izohlar 0
Hali izoh yo‘q — birinchi bo‘ling
