Yarimo‘rta vazn toifasida UFC chempioni Islom Maxachev yanvar oyida o‘tkazilishi rejalashtirilgan chempionlik jangida ishtirok etmaydi. Uning o‘rnini kim egallashi hozircha noma’lum.
Yarimo‘rta vazn toifasida UFC chempioni 
Islom Maxachev Kanadaning Toronto shahrida o‘tkaziladigan UFC 336 turnirida ishtirok etmaydi. Uning 2027-yil 30-yanvar kuni birinchi raqamli da’vogar 
Karlos Pratesga qarshi oktagonga ko‘tarilishi rejalashtirilgan edi.
Bu haqda juma kuni Ag Fight nashri xabar berdi. Maxachevning chempionlik jangidan chiqish sabablari hozircha e’lon qilinmadi. Tashkilot rahbari Deyna Uayt ushbu xabarni tasdiqlash yoki inkor etishdan bosh tortib, uni «qiziqarli» deb atadi.
34 yoshli chempion o‘zining so‘nggi jangini avgust oyida o‘tkazib, Ien Garriga qarshi unvonini muvaffaqiyatli himoya qilgan edi. Uning hisobida 29 ta g‘alaba va bitta mag‘lubiyat mavjud. Chempionlik jangi yuzasidan vaziyat o‘zgargach, Pratesning keyingi taqdiri va tashkilotning unga nisbatan rejalari hozircha noma’lumligicha qolmoqda.
Izohlar 0
Hali izoh yo‘q — birinchi bo‘ling
