Alonzo Menifield UFC 331 turnirida Ivo Baranevskiyni mag‘lub etdi. Polshalik jangchi professional MMA faoliyatidagi ilk mag‘lubiyatini qabul qildi.
Alonzo Menifield UFC 331 turnirida Ivo Baranevskiy ustidan g‘alaba qozondi. Los-Anjelesda o‘tgan yarim og‘ir vazn toifasidagi ushbu bahs polshalik jangchining mag‘lubiyatsiz yurishiga yakun yasadi.
Baranevskiy uchrashuvga to‘qqizta g‘alaba va birorta ham mag‘lubiyatsiz kelgandi. U UFC’dagi dastlabki uch jangida Ibo Aslan, Osten Leyn va Junior Tafani birinchi raunddayoq mag‘lub etib, muxlislar e’tiborini tortgan edi.
Menifieldga qarshi bahs uning uchun navbatdagi muhim sinov bo‘ldi. Bu safar esa g‘alaba tajribali amerikalik jangchiga nasib etdi.
Shu tariqa, Menifield hisobiga yana bir g‘alaba yozdirgan bo‘lsa, Baranevskiy professional MMA faoliyatidagi ilk mag‘lubiyatiga uchradi.
Izohlar 0
Hali izoh yo‘q — birinchi bo‘ling
