«Oktagon» tashkiloti o‘zining 100-turniri uchun ikkita potensial jang variantini e’lon qildi. Ikkala variantda ham Muradov ishtirok etadi va o‘zining uchinchi kamarini yutish imkoniyatiga ega bo‘ladi.
«Oktagon» aralash yakkakurashlar tashkiloti o‘zining o‘n yillik tarixidagi 100-turniri asosiy jangi uchun muxlislar o‘rtasida ovoz berish jarayonini boshladi. Muxlislar taqdim etilgan ikki variantdan birini tanlashlari kerak bo‘ladi va ularning har ikkisida ham Muradov ishtirok etadi.
Birinchi variant — Jotko va Muradov o‘rtasidagi o‘rta vazn toifasidagi mutlaq chempionlik jangi. Jotko avvalroq «Tipsport Gamechanger» turnirida g‘olib chiqqan hamda Engizekni mag‘lub etib, divizionning eng uzun g‘alabali seriyasiga barham bergan va o‘rta vazn kamarining bir qismini qo‘lga kiritgan edi. O‘z navbatida, Muradov ayni paytda o‘rta vaznning vaqtinchalik va yengil og‘ir vaznning amaldagi chempioni hisoblanadi. Tashkilotning ta’kidlashicha, jahon reytinglariga ko‘ra bu «Oktagon» tarixidagi eng yuqori saviyali erkaklar jangi bo‘lishi mumkin.
Ikkinchi variant esa Fleri va Muradov o‘rtasidagi og‘ir vazn toifasi kamari uchun kechadigan revansh jangidir. Ular avval yengil og‘ir vazn chempionligi uchun Shtvanitseda to‘qnash kelishgan. Agar ushbu jang tanlansa, Muradov tashkilot tarixidagi ilk uch karra chempionga aylanish imkoniyatiga ega bo‘ladi.
«Ikki jang. Ulardan biri o‘n yillik tarixni yakunlab, keyingi o‘n yillikni ochib beradi. Qaysi biri bo‘lishini siz hal qilasiz», — deyiladi tashkilot xabarida.
Ovoz berish jarayonida ishtirok etgan muxlislar VIP chiptalar, maxsus kiyimlar yoki imzolangan futbolka yutib olish imkoniyatiga ega bo‘lishadi.
Izohlar 1
- Bekzod
salom
