Sobiq UFC jangchisi Zabit Magomedsharipov RAF tashkiloti bilan bir nechta musobaqa uchun shartnoma tuzdi. U o‘zining navbatdagi jangini noyabr oyida Giga Chikadzega qarshi o‘tkazadi.
Zabit Magomedsharipov greppling bo‘yicha Real American Freestyle (RAF) tashkiloti bilan bir nechta jang uchun shartnoma imzoladi. Xabarlarga ko‘ra, u o‘zining RAFdagi debyutini 14 noyabr kuni Abu-Dabida 
Giga Chikadzega qarshi o‘tkazadi.
Mayk Xekning ma’lumotiga ko‘ra, mazkur musobaqaning asosiy jangi Xamzat Chimayev va Kolbi Kovington o‘rtasida kruzervveyt vazn toifasidagi krossover chempionligi uchun kechadi. Abu-Dabidagi turnir doirasida Umar Nurmagomedov Yuraya Feyberga, Kayl Snayder esa Shamil Erdog‘anga qarshi gilamga chiqadi. Shuningdek, kardga Jordan Barrouz va Azamat Nurikov o‘rtasidagi revansh jangi ham qo‘shilgan.
Rossiyalik jangchi so‘nggi bor avgust oyida ACBJJ 22 turnirida Yusef Zalalni mag‘lub etgan edi. UFC oktagoniga oxirgi marta 7 yil oldin ko‘tarilgan Zabit u yerda 6-0 hisobida g‘alabali seriyani qayd etgan va 2018-yilda Brendon Devisni Suloev usuli bilan taslim etgandi. Magomedsharipovning menejeri orqali tarqalgan xabarlarga ko‘ra, u ACBJJ unvoniga da’vogarlik qilmoqda va uning bir vaqtning o‘zida ikkala tashkilotda qatnashishi hozircha aniq emas.
Izohlar 0
Hali izoh yo‘q — birinchi bo‘ling
